Qütb quşlarını olduqları yerdə görə bilmək qeyri-mümkündür, çünki tüklərində təbii mühiti təqlid edə bilmələrini təmin edən mükəmməl bir kamuflyaj qabiliyyəti var.
Kamuflyaj sənətinin ən böyük ustalarından biri şübhəsiz buqələmundur. Buqələmun xüsusilə kamuflyaj sürəti ilə heyrətamizdir. Digər bir çox sürünən də, rəng dəyişdirmə qabiliyyətinə sahib olduğu halda, heç biri bunu buqələmun qədər sürətlə yerinə yetirə bilmir.
Allah, patoo adı verilən quşa "təqlid edə bilmə" qabiliyyəti vermişdir. Patoo ağac kötüyünə qonur və tükləri ilə eyni rəngdə olan kötükdə heç görünmür. Lakin yanına yaxınlaşdıqca təqlidini daha mükəmməlləşdirmək üçün hərəkət etməyə başlayır. Çox yavaş bir şəkildə quyruğunu endirir və onu ağac kötüyünün dəliyinə soxur. Beləliklə, quşla ağacın birləşmə yeri tamamilə nəzərdən itir. Sonra yenə eyni yavaşlıqda, dimdiyi dik olaraq səmaya dönənə qədər başını qaldırır və gözlərini yumur.
Ana cüyür balasının kamuflyaj xüsusiyyətini onun üçün üstünlük olaraq istifadə edir. Balasını kolluqların arasında bir yerdə gizlədir və onun oturmasını təmin edir. Bala cüyürün qəhvə rəngi dərisinin üzərindəki ağ xallar günəş işığı ilə qarışır və uzaqdan baxdıqda bala cüyür qətiyyən görünmür.Üzərindəki ağ xallar kolların arasında yerə düşən günəş şüalarının əksi kimi görünür.